तिहार, छठ र नेपाल सम्वत्को उपलक्ष्यमा नयाँ शक्ति नेपालको शुभकामना !

'स्थायित्व, विकास र समृद्धिको कामना'
१५ कात्तिक २०७३


प्रेस विज्ञप्ती
शुभ दिपावली, छठ तथा नेपाल सम्वत ११३७ का सन्दर्भमा नयाँ शक्ति पार्टी, नेपाल हार्दिक शुभकामना व्यक्त गर्दछ । विविधतायुक्त नेपाली समाजको विशेषता नै बहुधार्मिक, बहुसांस्कृतिक हुनुका नाताले आफ्ना सांस्कृतिक विशेषताअनुसार चाड पर्व मनाउने र शुभकामना आदान–प्रदान गर्ने नेपाली समाजको प्रचलन पनि हो ।

यसै अवसरमा नेपाली समाजका वाधा व्यवधानहरु पार गर्दै सम्पूर्ण नेपालीकोे खुसीयाली र नेपाली समाजको समृद्धिका निम्ति कार्य गर्ने प्रेरणा मिलोस् भन्ने पनि कामना गर्दर्छौ ।


यसै अवसरमा नेपाली राजनीतिमा देखिएको अन्यौलता चिर्दै संविधान संशोधनमार्फत संविधानको स्वीकार्यता वृद्धि गरेर यसको सफल कार्यान्वयनको दौरानमा स्थिरता र विकासका लागि प्रत्यक्ष निर्वाचित कार्यकारी राष्ट्रपति र समानुपातिक समावेशी प्रावधानका लागि पूर्ण समानुपातिक संसदको प्रावधान पनि समावेश गर्न पुनः स्मरण गराउन चाहन्छौं ।


शुभ दिपावली, छठ र नेपाल सम्वत् ११३७ ले स्थायित्व, विकास र समृद्धिको मार्ग प्रशस्त गरोस्, यही हाम्रो कामना छ ।

खिमलाल देवकोटा
प्रवक्ता

 

 

डाउनलोड