संघीय समाजवादी फोरम र नयाँ शक्ति पार्टी, नेपाल संयुृक्त निर्वाचन समन्वय संयन्त्रको प्रेस विज्ञप्ती

१५ बैशाख २०७४

एकल निर्वाचन चिन्ह हातले समातेको मशाल लिई निर्वाचनमा सहभागि हुने दुई पार्टीका वीचमा सम्झौता भए पश्चात आज मिति २०७४ बैशाख १५ गतेका दिन संघीय समाजवादी फोरम नेपाल र नयाँ शक्ति पार्टी नेपाल बीच गठीत संयूक्त केन्द्रीय संयोजन समितिको बैठक निर्वाचन परिचालन र संयोजनकालागि संयुक्त वैठक वस्यो । सो  वैठकले निम्नानुसार निर्णय गरीएको व्यहोरा सबैको जानकारीको लागि यो प्रेस विज्ञप्ती जारी गरिएको छ । 
 
१. पहिलो चरणको निर्णय एक सफलतापुर्वक एवं  प्रभावकारी ढंगले सम्पन गर्न दुवै पार्टीको तर्फवाट प्रतिनिधित्व गर्ने निम्न सदस्यहरु रहेको संयूक्त निर्वाचन समन्वय संयन्त्र गठन गरियो । 
 
सघीय समाजवादी फोरम नेपाल तर्फवाट                                       नया शक्ति पार्टी नेपालको तर्फवाट  
 
हेमराज राई                                                                             रामचन्द्र झा
दान ब. वि.क.                                                                          दुर्गा सोब
अजम्बर राई काङवाङ                                                                देवेन्द्र पौडेल 
धिरेन्द्र श्रेष्ठ                                                                               परशुराम खापुङ
गणेश  योजन                                                                           परसुराम तामाङ
लालध्वज तामाङ                                                                        खिमलाल देवकोटा 
 
२. केन्द्रको भावना अनुसार प्रदेश जिल्ला तथा स्थानीय तहमा समेत संयन्त्र गठन गरी तदारुकताका साथ काम सम्पन्न गर्न निर्देशन दिने निर्णय गरियो । 
 
३. एक हातले समातेको मसाल चिन्ह लिई पार्टीको तर्फबाट खडा भएका उमेदवारहरुलाई विजयी बनाउन हर सम्भव प्रयास गर्न संयूक्त रुपमा संयूक्त पार्टी पंक्ति परिचालन हुन निर्देशन दिने । 
 
४. आपसी विवादहरु परिआएमा स्थानीयतहमै समाधान गर्न प्रयास गर्ने समाधान हुन नसकेका विवादहरु समाधानकालागि केन्द्रिय संयन्त्रमा पठाउन सवै मातहत तहलाई निर्देशन दिने । 
 
 
 
 
खिमलाल देवकोटा
संयुक्त निर्वाचन समन्वय संयन्त्रको तर्फवाट

डाउनलोड